鄭欣宜憶當年纖體搞到皮鬆休克 16歲230磅決心減肥係想生B？

鄭欣宜近日接受24味YouTube Channel節目《24/7TALK》訪問，她重提自己入行初期的不適應，到慢慢勇敢做自己的過程。近日清減不少的她回憶起過往的極端減肥方法令她苦不堪言，26歲最終決定不再為減而減。爸爸是鄭少秋、媽媽是沈殿霞，入行初期的欣宜都給予自己很大的壓力，「初入行頭幾年成日講我唔錯得，因為好細個入行，19歲搬嚟香港其實原本我係放暑假，後來發現媽媽有病，咁我就決定留喺香港陪媽咪；直至佢過身之後，我有機會去拍劇同唱主題曲，既然自己鍾意，讀書亦無限年齡，所以當時我決定加入娛樂圈，把握呢個機會。」

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

鄭欣宜激減20磅孖神秘男放閃 新歡原來唔係髮型師係花店老闆？【下一頁】

{{hket:inline-image name="JOYCE1.jpg"}}{{/hket:inline-image}}

欣宜坦言自小由婆婆湊大，所以家中講上海話，讀書是讀英文，初來港時廣東話唔純正，睇中文字如同「文盲」一樣，當年討論區鬧得她非常狠，她說：「我係父母個女冇得選擇，我嘅才華未係最好可以慢慢去學同儲經驗，樣貌同身材唔係典型標準美，我做唔到任何嘢，但中文唔好可以練，至少減少一樣嘢畀你哋鬧，所以我每朝睇娛樂新聞影片，有字幕嘛，仲好大聲同浮誇咁閱讀報紙改善。」她表示由於在加拿大長大，回港後有不少文化上衝擊，加上入行後慢慢做了一位很「假」的人，問到會否曾想放棄？「好多次想放棄，屋企人好想我返加拿大，因為娘親過身之後，傳統想法覺得小朋友返屋企人身邊就係乖。我絕對係唔聽話，但我係乖嘅人，當時一個人留喺香港，加上有好多古怪報道，屋企人打去香港問一位Auntie，話聽聞我被人拉咗，我都唔明點解唔直接搵我？但我覺得時間可證明一切，從不會同佢哋解釋太多！」

近日欣宜透過生酮飲食和運動，清減不少，提到她年輕時的減肥血淚史，她說：「人生最瘦係139磅，當時瘦咗100磅，由16歲開始減，到26先決定唔再減。唔知點解由細開始，我好想結婚同有自己骨肉，又好鍾意玩危險極限運動，但凡玩呢啲運動就要磅重，如果我繼續保持230磅就未必做到呢啲嘢，失去好多人生想做嘅嘢，包括想有自己小朋友。16歲生日同娘親通電話，我想減肥，佢支持我但叫我唔可以中途放棄。」

她坦言當時只有16歲的她仍在發育時期，但就要減肥，其實對心靈不太健康，因將自己身體同自我價值掛勾，「當年香港冇咁多個案可以喺咁短時間減咁多磅，我以為減完肥就有完美身形，食中藥、西藥、做機同見營養師，纖體公司用佢嘅減肥方法去做，但冇話我知可能我肚皮、手臂、大髀內側會有好多鬆嘅皮，反而減完磅更加唔鍾意自己身形。」

沈殿霞離世14周年丨鄭欣宜憶細個頑皮被肥姐打完再𠱁 「人越大越珍惜佢那種不離不棄」【下一頁】

欣宜指由於簽約做代言人，為了減肥給予自己好多壓力，想加快速度絕食，搞到日日都見暈，「終於接到一個Job，我借到一對名牌高跟鞋，著住高跟鞋去雲咸街Salon整頭，一落的士我雙膝跪地，成個人休克，因為我冇食嘢，仲擦爛對鞋......膝頭哥損晒都算，但對鞋我係借呀，結果要買咗佢，我初入行真係邊有錢買！後來間名店畀Sample價錢我買咗，之後我幾乎每一個活動都著，著到爛為止！」她表示這是一個身體的警號。

{{hket:inline-image name="258042027_449747409871950_7942980931558655884_n.jpg"}}{{/hket:inline-image}}

欣宜坦言近年跳舞、打泰拳和做健身，加上生酮飲食，用健康的方法瘦身，她說：「其實我都有顧慮，我見到好多人DM（私信）我或者留言畀我，話佢哋都好想生酮飲食，但睇佢哋啲相，真係完全唔需要，我好驚做壞榜樣教壞大家，每一個人方法都唔同呀！」

{{hket:inline-image name="252295041_429278378555979_8603682207058307437_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉